parinde ghonslon se kah ke ye bahar nikal aae

parinde ghoñsloñ se kah ke ye bāhar nikal aa.e

hameñ uḌne diyā jaa.e hamāre par nikal aa.e

safar meñ zindagī ke maiñ zarā sā laḌkhaḌāyā thā

mujhe Thokar lagāne phir ka.ī patthar nikal aa.e

mohabbat se kisī ne jab safar kī mushkileñ pūchhīñ

ka.ī kāñTe hamāre paañv se bāhar nikal aa.e

bahut se raaz bhī ā.eñge ālī-jāh phir bāhar

ḳhafā ho kar havelī se agar naukar nikal aa.e

ba-zāhir diary ke saare hī aurāq saada the

kiyā jab ġhaur in par to ka.ī manzar nikal aa.e

parinde ghonslon se kah ke ye bahar nikal aae

hamein uDne diya jae hamare par nikal aae

safar mein zindagi ke main zara sa laDkhaDaya tha

mujhe Thokar lagane phir kai patthar nikal aae

mohabbat se kisi ne jab safar ki mushkilen puchhin

kai kanTe hamare panw se bahar nikal aae

bahut se raaz bhi aaenge aali-jah phir bahar

KHafa ho kar haweli se agar naukar nikal aae

ba-zahir diary ke sare hi auraq sada the

kiya jab ghaur in par to kai manzar nikal aae