parinde uske liye hain rasul us ka hai

parinde us ke liye haiñ rasūl us kā hai

hamārī baat meñ har dam shumūl us kā hai

alam ko chuum ke paḌhte haiñ mad.h-e-rabb-e-alī

ki sab se pahle to ibn-ul-batūl us kā hai

ġhazal ke jitne vasīle haiñ saare us ke haiñ

mafā.alāt hai us kā fa.uul us kā hai

yahāñ ke rasm-o-rivāj ab nahīñ mire bas ke

maiñ chal rahī huuñ lagan se usuul us kā hai

hasīn vo hai so duniyā use hasīn kahe

qarīb vo hai so qurbat kā phuul us kā hai

mirā ye haq hai ki maiñ us pe e.atibār karūñ

munāfiqat hai ki half-ul-fuzūl us kā hai

'sabā' chalī to uḌe panchhiyoñ ke hosh-o-havās

ki rāh-e-bahr meñ sahrā babūl us kā hai

parinde us ke liye hain rasul us ka hai

hamari baat mein har dam shumul us ka hai

alam ko chum ke paDhte hain madh-e-rabb-e-ali

ki sab se pahle to ibn-ul-batul us ka hai

ghazal ke jitne wasile hain sare us ke hain

mafaalat hai us ka faul us ka hai

yahan ke rasm-o-riwaj ab nahin mere bas ke

main chal rahi hun lagan se usul us ka hai

hasin wo hai so duniya use hasin kahe

qarib wo hai so qurbat ka phul us ka hai

mera ye haq hai ki main us pe eatibar karun

munafiqat hai ki half-ul-fuzul us ka hai

'saba' chali to uDe panchhiyon ke hosh-o-hawas

ki rah-e-bahr mein sahra babul us ka hai