پرکھو تم ان کو دور سے یا پھر قریب سے

پرکھو تم ان کو دور سے یا پھر قریب سے

رشتہ دکھائی دیں گے تمہیں سب عجیب سے

اپنے پرائے میں بھی کوئی فرق ہی نہیں

لگتے ہیں سارے دوست بھی مجھ کو رقیب سے

جس کو بھی دیکھیے اسے سکھ کی تلاش ہے

لیکن یہ شے بھی پاتا ہے انساں نصیب سے

جن کی مدد سے آج بہت کامیاب ہوں

کچھ لوگ مل گئے ہیں مجھے بھی حبیب سے

ہم لوگ اس پہ روز لٹکتے ہیں بار بار

عیسیٰ تو ایک بار ہی لٹکا صلیب سے

دلدارؔ سے تمیز شرافت ہی مانگیے

دولت نہ مانگیں آپ کسی بھی غریب سے