pas-e-nazzara koi lahr si thi pani tak

pas-e-nazzāra koī lahr sī thī paanī tak

kyā tamāshā thā na thī aañkh meñ hairānī tak

safar itnā thā kaThin lauT bil-āḳhir aa.e

baḌī mushkil se chale rāh-e-tan-āsānī tak

dhajjiyāñ jism se utrī haiñ abhī ḳhair manāo

tan se utregā yahāñ jāma-e-uryānī tak

kisī anjān chamak ke haiñ dil-o-chashm asiir

silsila ek sā hai aa.ine se paanī tak

sar-o-sāmāñ koī us raah se kyūñkar le jaa.e

chhoḌ aa.e haiñ jahāñ be-sar-o-sāmānī tak

aur phir itnā chale paañv meñ tāqat na rahī

do qadam the mirī dānā.ī se nādānī tak

pas-e-nazzara koi lahr si thi pani tak

kya tamasha tha na thi aankh mein hairani tak

safar itna tha kaThin lauT bil-aKHir aae

baDi mushkil se chale rah-e-tan-asani tak

dhajjiyan jism se utri hain abhi KHair manao

tan se utrega yahan jama-e-uryani tak

kisi anjaan chamak ke hain dil-o-chashm asir

silsila ek sa hai aaine se pani tak

sar-o-saman koi us rah se kyunkar le jae

chhoD aae hain jahan be-sar-o-samani tak

aur phir itna chale panw mein taqat na rahi

do qadam the meri danai se nadani tak