pasand-e-KHatir-e-jaanan hai inkisar mera

pasand-e-ḳhātir-e-jānāñ hai inkisār mirā

isī liye to mah-o-mehr haiñ ġhubār mirā

milī hai mujh ko azal se kamand-e-yazdāñ-gīr

shikār-e-har-kas-o-nā-kas nahīñ shikār mirā

alassabāh mujhe bhar ke jām-e-najm-e-sahar

mudām detā hai sāqī-e-nām-dār mirā

misāl-e-lāla mohabbat ke daaġh hote hue

nahīñ hai dāman-e-dil dekh dāġh-dār mirā

mazā hai vasl meñ aur lutf hijr-e-yār meñ hai

vo phal kā vaqt ye hai mausam-e-bahār mirā

navā-e-nūr ho jab mere lab pe ahl-e-chaman

to ehtirām kare kyoñ na shāḳh-sār mirā

parakh sake jo mujhe vo nigāh-e-pāk kahāñ

judā 'amīñ' hai zar-o-sīm se iyaar marā

pasand-e-KHatir-e-jaanan hai inkisar mera

isi liye to mah-o-mehr hain ghubar mera

mili hai mujh ko azal se kamand-e-yazdan-gir

shikar-e-har-kas-o-na-kas nahin shikar mera

alassabah mujhe bhar ke jam-e-najm-e-sahar

mudam deta hai saqi-e-nam-dar mera

misal-e-lala mohabbat ke dagh hote hue

nahin hai daman-e-dil dekh dagh-dar mera

maza hai wasl mein aur lutf hijr-e-yar mein hai

wo phal ka waqt ye hai mausam-e-bahaar mera

nawa-e-nur ho jab mere lab pe ahl-e-chaman

to ehtiram kare kyon na shaKH-sar mera

parakh sake jo mujhe wo nigah-e-pak kahan

juda 'amin' hai zar-o-sim se iyar mara