پشیماں ہیں ترک محبت کے بعد
بڑھیں الجھنیں اور فرصت کے بعد
ابھی تو قیامت کا ہے آسرا
خدا جانے کیا ہو قیامت کے بعد
یہ حسن خلوص شکایت بجا
مگر کیا رہے گا شکایت کے بعد
وہ ہر بار ملتے ہیں اس شان سے
ملے جس طرح کوئی مدت کے بعد
محبت سے پہلے یہ عالم نہ تھا
کہاں آ گئے ہم محبت کے بعد
روشؔ یہ خوش آہنگ رنگ غزل
دل آویز ہے رنگ حسرتؔ کے بعد
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
