patte gire hain shaKH se is etibar mein

patte gire haiñ shāḳh se is e'tibār meñ

phir se nikal hī ā.eñge aglī bahār meñ

dariyā tire shabāb-e-talātum kī ḳhair ho

vo vasvase uThe haiñ dil-e-dīn-dār meñ

vo intihā.ī 'ishq se mahrūm rah ga.e

dauḌā rahe the 'aql ke ghoḌe jo pyaar meñ

tujh se bichhaḌ ke ḳhuub ujāgar huā huuñ maiñ

ubhre haiñ naqsh-e-she'r-o-suḳhan ḳhāksār meñ

muḌ kar class meñ use chhup-chhup ke dekhnā

kitnī nazākateñ thī vo bachpan ke pyaar meñ

patte gire hain shaKH se is e'tibar mein

phir se nikal hi aaenge agli bahaar mein

dariya tere shabab-e-talatum ki KHair ho

wo waswase uThe hain dil-e-din-dar mein

wo intihai 'ishq se mahrum rah gae

dauDa rahe the 'aql ke ghoDe jo pyar mein

tujh se bichhaD ke KHub ujagar hua hun main

ubhre hain naqsh-e-she'r-o-suKHan KHaksar mein

muD kar class mein use chhup-chhup ke dekhna

kitni nazakaten thi wo bachpan ke pyar mein