patthar ho ki faulad ho Darne ka nahin main
patthar ho ki faulad ho Darne ka nahin main
Mohammad Abid Ali Abid
MORE BYMohammad Abid Ali Abid
patthar ho ki faulād ho Darne kā nahīñ maiñ
ab sūrat-e-ā.īna bikharne kā nahīñ maiñ
jo zaat kā merī hai ḳhalā chiiz digar hai
jo bhar bhī ga.e zaḳhm to bharne kā nahīñ maiñ
dekheñ na nazar bhar ke mujhe der talak aap
jo chaḌh gayā nazroñ meñ utarne kā nahīñ maiñ
kī bāda-kashī tark-e-ma.ābid ke muqābil
ab is se ziyāda to sudharne kā nahīñ maiñ
dīdār tirā mere liye rāhat-e-jāñ hai
be-dekhe tujhe jaañ se guzarne kā nahīñ maiñ
ab jurm-e-mohabbat kī mile koī bhī pādāsh
taftīsh ke daurān mukarne kā nahīñ maiñ
patthar ho ki faulad ho Darne ka nahin main
ab surat-e-aina bikharne ka nahin main
jo zat ka meri hai KHala chiz digar hai
jo bhar bhi gae zaKHm to bharne ka nahin main
dekhen na nazar bhar ke mujhe der talak aap
jo chaDh gaya nazron mein utarne ka nahin main
ki baada-kashi tark-e-maabid ke muqabil
ab is se ziyaada to sudharne ka nahin main
didar tera mere liye rahat-e-jaan hai
be-dekhe tujhe jaan se guzarne ka nahin main
ab jurm-e-mohabbat ki mile koi bhi padash
taftish ke dauran mukarne ka nahin main
- Book : Shah Par (Urdu Poetry) (Pg. 41)
- Author : Mohd. Abid Ali Abid
- Publication : Mohd. Abid Ali Abid (2009)
- Edition : 2009
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
