patthar ke jigar walo gham mein wo rawani hai

patthar ke jigar vaalo ġham meñ vo ravānī hai

ḳhud raah banā legā bahtā huā paanī hai

phūloñ meñ ġhazal rakhnā ye raat kī raanī hai

is meñ tirī zulfoñ kī be-rabt kahānī hai

ik zehn-e-pareshāñ meñ vo phuul sā chehra hai

patthar kī hifāzat meñ shīshe kī javānī hai

kyoñ chāñdnī rātoñ meñ dariyā pe nahāte ho

so.e hue paanī meñ kyā aag lagānī hai

is hausla-e-dil par ham ne bhī kafan pahnā

hañs kar koī pūchhegā kyā jaan gañvānī hai

rone kā asar dil par rah-rah ke badaltā hai

aañsū kabhī shīsha hai aañsū kabhī paanī hai

ye shabnamī lahja hai āhista ġhazal paḌhnā

titlī kī kahānī hai phūloñ kī zabānī hai

patthar ke jigar walo gham mein wo rawani hai

KHud rah bana lega bahta hua pani hai

phulon mein ghazal rakhna ye raat ki rani hai

is mein teri zulfon ki be-rabt kahani hai

ek zehn-e-pareshan mein wo phul sa chehra hai

patthar ki hifazat mein shishe ki jawani hai

kyon chandni raaton mein dariya pe nahate ho

soe hue pani mein kya aag lagani hai

is hausla-e-dil par hum ne bhi kafan pahna

hans kar koi puchhega kya jaan ganwani hai

rone ka asar dil par rah-rah ke badalta hai

aansu kabhi shisha hai aansu kabhi pani hai

ye shabnami lahja hai aahista ghazal paDhna

titli ki kahani hai phulon ki zabani hai