patthar ki bhuri oT mein lala khila tha kal

patthar kī bhūrī oT meñ laala khilā thā kal

aaj us ko noch le ga.iiñ vo bachchiyāñ janāb

āñkhoñ meñ raushnī kī jagah thā ḳhudā kā naam

paañv tuḌā ke mar rahe jaate kahāñ janāb

ham barg-e-zard sabz ḳhalāoñ meñ chhup ga.e

ham ko havā-e-sard thī sañg-e-girāñ janāb

bose ke daaġh se hai munavvar jabīñ magar

jaltī paḌī hai sham.a sī pyāsī zabāñ janāb

kaalī zamīñ pe chhantī darīchoñ se raushnī

bāhar to jhāñkiye hai anokhā samāñ janāb

niilī chamaktī dhuup to biktī nahīñ kahīñ

ham kis ke haath bech deñ lafz-o-bayāñ janāb

patthar ki bhuri oT mein lala khila tha kal

aaj us ko noch le gain wo bachchiyan janab

aankhon mein raushni ki jagah tha KHuda ka nam

panw tuDa ke mar rahe jate kahan janab

hum barg-e-zard sabz KHalaon mein chhup gae

hum ko hawa-e-sard thi sang-e-giran janab

bose ke dagh se hai munawwar jabin magar

jalti paDi hai shama si pyasi zaban janab

kali zamin pe chhanti darichon se raushni

bahar to jhankiye hai anokha saman janab

nili chamakti dhup to bikti nahin kahin

hum kis ke hath bech den lafz-o-bayan janab