patthar se mukalima hai jari
patthar se mukālima hai jaarī
donoñ hī taraf hai hoshiyārī
vahshat se maiñ bhāgtā rahā huuñ
phir mujh pe junūñ huā hai taarī
darvesh ko rakh ke ḳhāk-e-pā meñ
kartā hai zamāna shahryārī
patthar se mujhe na choT pahuñchī
ik gul ne diyā hai zaḳhm kaarī
shahrī vatan-e-azīz kā huuñ
lekin hai shi.ār ashk-bārī
maz.hab hai mirā tarīq-e-hindī
derīna butoñ se apnī yaarī
paayā hai faroġh-e-secularism
talvār huī hai ab do dhārī
guzre hue din kā isti.āra
ye maulvī aur ye bhikārī
patthar se mukalima hai jari
donon hi taraf hai hoshiyari
wahshat se main bhagta raha hun
phir mujh pe junun hua hai tari
darwesh ko rakh ke KHak-e-pa mein
karta hai zamana shahryari
patthar se mujhe na choT pahunchi
ek gul ne diya hai zaKHm kari
shahri watan-e-aziz ka hun
lekin hai shiar ashk-bari
mazhab hai mera tariq-e-hindi
derina buton se apni yari
paya hai farogh-e-secularism
talwar hui hai ab do dhaari
guzre hue din ka istiara
ye maulwi aur ye bhikari
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
