pattharon par likha miTata hun

pattharoñ par likhā miTātā huuñ

is tarah maiñ use bhulātā huuñ

jab bhī Dartī hai zindagī to use

maut ke fā.ede ginātā huuñ

vasl kā tajraba nahīñ hai mujhe

hijr kī shā.erī sunātā huuñ

dil meñ ik maut roz hotī hai

roz ik laash maiñ uThātā huuñ

dard ārām dene lagtā hai

zaḳhm par zaḳhm jab lagātā huuñ

saañs jaatī hai le ke duur mujhe

saañs aatī hai lauT aatā huuñ

pahle kartā huuñ ḳhud use nārāz

aur phir der tak manātā huuñ

raqs kartī haiñ gum-shuda yādeñ

aaj sab aa.ina bujhātā huuñ

jāntā huuñ ki dar khulegā nahīñ

be-sabab chābiyāñ ghumātā huuñ

pattharon par likha miTata hun

is tarah main use bhulata hun

jab bhi Darti hai zindagi to use

maut ke faede ginata hun

wasl ka tajraba nahin hai mujhe

hijr ki shaeri sunata hun

dil mein ek maut roz hoti hai

roz ek lash main uThata hun

dard aaram dene lagta hai

zaKHm par zaKHm jab lagata hun

sans jati hai le ke dur mujhe

sans aati hai lauT aata hun

pahle karta hun KHud use naraaz

aur phir der tak manata hun

raqs karti hain gum-shuda yaaden

aaj sab aaina bujhata hun

jaanta hun ki dar khulega nahin

be-sabab chabiyan ghumata hun