peD sukha harf ka aur faKHtaen mar gain

peḌ sūkhā harf kā aur fāḳhtā.eñ mar ga.iiñ

lab na khole to ghuTan se sab duā.eñ mar ga.iiñ

ek din apnā sahīfa mujh pe nāzil ho gayā

us ko paḌhte hī mirī saarī ḳhatā.eñ mar ga.iiñ

yaad kī gudḌī ko maiñ ne ek din pahnā nahīñ

ek din ke hijr meñ saarī balā.eñ mar ga.iiñ

maiñ ne mustaqbil meñ jā kar ek lambī saañs lī

phir mire maazī kī sab hāsid havā.eñ mar ga.iiñ

maiñ ne kyā sochā thā un ke vāste aur kyā huā

mere chup hone se andar kī sadā.eñ mar ga.iiñ

is taraf miTTī thī mere us taraf ik nuur thā

maiñ jiyā mere liye do intihā.eñ mar ga.iiñ

peD sukha harf ka aur faKHtaen mar gain

lab na khole to ghuTan se sab duaen mar gain

ek din apna sahifa mujh pe nazil ho gaya

us ko paDhte hi meri sari KHataen mar gain

yaad ki gudDi ko main ne ek din pahna nahin

ek din ke hijr mein sari balaen mar gain

main ne mustaqbil mein ja kar ek lambi sans li

phir mere mazi ki sab hasid hawaen mar gain

main ne kya socha tha un ke waste aur kya hua

mere chup hone se andar ki sadaen mar gain

is taraf miTTi thi mere us taraf ek nur tha

main jiya mere liye do intihaen mar gain