pesh aane lage hain nafrat se

pesh aane lage haiñ nafrat se

bhar gayā un kā dil mohabbat se

fā.eda ye hai terī qurbat se

ḳhuub kaTtā hai vaqt rāhat se

kaam bante nahīñ haiñ nafrat se

kaam chalte haiñ sab mohabbat se

un kī ḳhātir mujhe jahāñ vaale

dekhte haiñ baḌī hiqārat se

zindagī merī ik musībat thī

mil ga.e aap mujh ko qismat se

saarī duniyā harīf hai merī

ik zarā sī tirī ināyat se

kyā ḳhabar thī ki vaqt paḌte hī

haath uThā leñge vo mohabbat se

vo shab-e-vasl bhī to pahlū meñ

baaz aate nahīñ sharārat se

dil ko chaskā paḌā hai kuchh aisā

baaz aatā nahīñ mohabbat se

kāmrānī ke vāste 'afzal'

kaam lenā paḌegā himmat se

pesh aane lage hain nafrat se

bhar gaya un ka dil mohabbat se

faeda ye hai teri qurbat se

KHub kaTta hai waqt rahat se

kaam bante nahin hain nafrat se

kaam chalte hain sab mohabbat se

un ki KHatir mujhe jahan wale

dekhte hain baDi hiqarat se

zindagi meri ek musibat thi

mil gae aap mujh ko qismat se

sari duniya harif hai meri

ek zara si teri inayat se

kya KHabar thi ki waqt paDte hi

hath uTha lenge wo mohabbat se

wo shab-e-wasl bhi to pahlu mein

baz aate nahin shararat se

dil ko chaska paDa hai kuchh aisa

baz aata nahin mohabbat se

kaamrani ke waste 'afzal'

kaam lena paDega himmat se