pesh-e-nazar hai naza mein naqsha-nigar ka

pesh-e-nazar hai naza.a meñ naqsha-nigār kā

jalva ḳhizāñ dikhātī hai mujh ko bahār kā

surme se rutba kam nahīñ apne ġhubār kā

hai sañg-e-tūr sañg hamārī mazār kā

hai bād-e-marg shauq hameñ dīd-e-yār kā

chilman kā haal hai kafan-e-tār-tār kā

tiira iqāmat apnī ho bāġh-e-jahāñ meñ kyā

āvāz ar-rahīl hai naala hazār kā

hai apne soz-e-dil kā dimāġh āsmān par

partav hai āftāb dil-e-dāġh-dār kā

ai jān-e-pāk kar na tan-o-tosh par ġhurūr

hai hāl-e-jism pairahan-e-musta.ār kā

tayyār ḳhāk-e-gor se hote haiñ jām-e-mai

ba.ad-e-fanā bhī rañj hai mujh ko ḳhumār kā

pesh-e-nazar hai naza mein naqsha-nigar ka

jalwa KHizan dikhati hai mujh ko bahaar ka

surme se rutba kam nahin apne ghubar ka

hai sang-e-tur sang hamari mazar ka

hai baad-e-marg shauq hamein did-e-yar ka

chilman ka haal hai kafan-e-tar-tar ka

tera iqamat apni ho bagh-e-jahan mein kya

aawaz ar-rahil hai nala hazar ka

hai apne soz-e-dil ka dimagh aasman par

partaw hai aaftab dil-e-dagh-dar ka

ai jaan-e-pak kar na tan-o-tosh par ghurur

hai haal-e-jism pairahan-e-mustaar ka

tayyar KHak-e-gor se hote hain jam-e-mai

baad-e-fana bhi ranj hai mujh ko KHumar ka