پھڑکتے ہوں گے شعلے نفرتوں کے آشیانوں میں

پھڑکتے ہوں گے شعلے نفرتوں کے آشیانوں میں

دھواں بھی اٹھ رہا ہوگا محبت کی فضاؤں میں

ہوا کا رخ جو بدلا تھا تو پھر موسم بھی بدلا تھا

بہار آنے کو آئی پر کہاں خوشبو تھی پھولوں میں

اندھیری رات ہے دشت بلا کی رہ گزاروں میں

سفر ہے درد کا لیکن دیا روشن ہے آنکھوں میں

ہوس کے سامنے ہے پھر برہنہ رقص کا منظر

برہنہ آدمیت پھر ہے دنیا کی نگاہوں میں

ہوائیں تیز تر چلنے لگی ہیں بادباں کھولو

کہ سالمؔ دل کی کشتی بہہ نہ جائے غم کی موجوں میں