phaila hai jal baam pe zulf-e-daraaz ka

phailā hai jaal baam pe zulf-e-darāz kā

totā uḌe na haath se ahl-e-niyāz kā

dekhī nahīñ hai tum ne hamārī patañg abhī

kyā naam le rahe ho havā.ī-jahāz kā

aamad principal kī hai hoshyār laḌkiyo

ye vaqt hai shaguftan-e-gul-hā-e-nāz kā

gōgle lagā ke aañkh pe chalne lage hasīñ

vo lutf ab kahāñ nigah-e-nīm-bāz kā

piite nahīñ haiñ des ke sevak bides kī

chukkaḌ pilāo un ko mai-ḳhāna-sāz kā

ai bahr-e-shauq itnā talātum hai nāravā

mastūl gir na jaa.e ḳhirad ke jahāz kā

'hāshim' vo dekhtā jo kisī teddy boy ko

mahmūd naam letā nā hargiz ayaaz kā

phaila hai jal baam pe zulf-e-daraaz ka

tota uDe na hath se ahl-e-niyaz ka

dekhi nahin hai tum ne hamari patang abhi

kya nam le rahe ho hawai-jahaz ka

aamad principal ki hai hoshyar laDkiyo

ye waqt hai shaguftan-e-gul-ha-e-naz ka

google laga ke aankh pe chalne lage hasin

wo lutf ab kahan nigah-e-nim-baz ka

pite nahin hain des ke sewak bides ki

chukkaD pilao un ko mai-KHana-saz ka

ai bahr-e-shauq itna talatum hai narawa

mastul gir na jae KHirad ke jahaz ka

'hashim' wo dekhta jo kisi teddy boy ko

mahmud nam leta na hargiz ayaz ka