پھیلا ہوا جو چاروں طرف انتشار ہے

پھیلا ہوا جو چاروں طرف انتشار ہے

آئین سے ہماری سیاست کو عار ہے

تاریخ ساز سے کوئی امید کیا کرے

وہ بھی حکومتوں کی روش کا شکار ہے

یا رب ترا نظام کہیں ایک سا نہیں

کوئی ہے شہریار کوئی خاکسار ہے

بینائی کان ناک زباں اور بدن کا لمس

انسان ان ہی پانچ حسوں کا شکار ہے

قصہ کہانیوں میں تو ملتا ہے سب مگر

کل تھا نہ آج امن و مساوات پیار ہے

آئین و عدلیہ پہ بھروسہ کسے ہے اب

بلڈوزروں پہ جب کہ حکومت سوار ہے