phaila na yun KHulus ki chadar mere liye
phailā na yuuñ ḳhulūs kī chādar mire liye
kal tak thā tere haath meñ patthar mire liye
palkoñ pe kuchh hasīn se motī sajā gayā
phir suunī suunī shaam kā manzar mire liye
dīvār-o-dar se us ke Tapaktī hai tishnagī
ik dasht-e-be-karāñ hai mirā ghar mire liye
ḳhushbū jo pyaar kī mujhe detā thā ab vahī
rakhtā hai dast-e-nāz meñ ḳhanjar mire liye
ye shab baḌī tavīl hai jā.ūñ kahāñ 'valī'
ab band ho chuke haiñ sabhī dar mire liye
phaila na yun KHulus ki chadar mere liye
kal tak tha tere hath mein patthar mere liye
palkon pe kuchh hasin se moti saja gaya
phir suni suni sham ka manzar mere liye
diwar-o-dar se us ke Tapakti hai tishnagi
ek dasht-e-be-karan hai mera ghar mere liye
KHushbu jo pyar ki mujhe deta tha ab wahi
rakhta hai dast-e-naz mein KHanjar mere liye
ye shab baDi tawil hai jaun kahan 'wali'
ab band ho chuke hain sabhi dar mere liye
- Book : Izhaar ki faslain (Pg. 30)
- Author : wali madani
- Publication : Maktaba-e-sadaf (2013)
- Edition : 2013
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
