phir aai fasl-e-gul ai yar dekhiye kya ho
phir aa.ī fasl-e-gul ai yaar dekhiye kyā ho
junūñ kā dil meñ chubhā ḳhaar dekhiye kyā ho
sab āshnā hue us ke bichhaḌte begāne
huī hai be-kasī ab yaar dekhiye kyā ho
chaman meñ bāñdhne ko āshiyāna-e-bulbul
guloñ ne jam.a kiye ḳhaar dekhiye kyā ho
huā hai ye dil-e-dīvāna qābil-e-zanjīr
khule haiñ gesū-e-dildār dekhiye kyā ho
vo sarv-qad kī mohabbat kā tauq juuñ qumrī
huā hai mere gale haar dekhiye kyā ho
vo 'uzlat' ab mirā būjhegā ġham ki ārasī dekh
huā hai apnā giraftār dekhiye kyā ho
phir aai fasl-e-gul ai yar dekhiye kya ho
junun ka dil mein chubha KHar dekhiye kya ho
sab aashna hue us ke bichhaDte begane
hui hai be-kasi ab yar dekhiye kya ho
chaman mein bandhne ko aashiyana-e-bulbul
gulon ne jama kiye KHar dekhiye kya ho
hua hai ye dil-e-diwana qabil-e-zanjir
khule hain gesu-e-dildar dekhiye kya ho
wo sarw-qad ki mohabbat ka tauq jun qumri
hua hai mere gale haar dekhiye kya ho
wo 'uzlat' ab mera bujhega gham ki aarasi dekh
hua hai apna giraftar dekhiye kya ho
- Deewan-e-uzlat(Rekhta Website)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
