پھر آنکھوں سے اوجھل ہو کر تو نے کیسا روپ بھرا

پھر آنکھوں سے اوجھل ہو کر تو نے کیسا روپ بھرا

چاروں طرف بے رنگ ہوائیں تاروں تک بے انت خلا

لمحوں کی مہمان تھی گویا رشتوں کی معراج یہاں

وقت سے پہلے سب کچھ دیکھا وقت پڑا تو کچھ بھی نہ تھا

دل کے صدف سے ابھرا موتی نظروں کا ارمان لیے

دنیا نے آنسو کہہ ڈالا جھٹ پلکوں سے ٹوٹ گرا

آوازوں کے اس جنگل میں خاموشی کا پیڑ کہاں

سرگوشی کا روپ دھار لے چھاؤں میں جس کی دل کی صدا

تھام ہوا کا دامن راہیؔ آؤ ہم بھی لانگھ چلیں

لفظوں کے پل باندھ رہے ہیں کوہ ندا سے کوہ ندا