phir apne-ap se usko hijab aata hai
phir apne-āp se us ko hijāb aatā hai
thiraktī jhiil pe jab māhtāb aatā hai
dikhā.iye na hameñ aap mausamī aañsū
ki ye hunar to hameñ be-hisāb aatā hai
vo jis tarīq se us ne savāl dāġhā hai
usī tarah kā mujhe bhī javāb aatā hai
to bārishoñ se shikāyat sī hone lagtī hai
gulāb sā jo koī zer-e-āb aatā hai
maiñ apnī aañkh meñ shabnam utaar letā huuñ
vo apnī aañkh meñ jab le ke ḳhvāb aatā hai
abhī to naam bhī apnā nahīñ milā mujh ko
abhī to naam se pahle janāb aatā hai
phir apne-ap se us ko hijab aata hai
thirakti jhil pe jab mahtab aata hai
dikhaiye na hamein aap mausami aansu
ki ye hunar to hamein be-hisab aata hai
wo jis tariq se us ne sawal dagha hai
usi tarah ka mujhe bhi jawab aata hai
to barishon se shikayat si hone lagti hai
gulab sa jo koi zer-e-ab aata hai
main apni aankh mein shabnam utar leta hun
wo apni aankh mein jab le ke KHwab aata hai
abhi to nam bhi apna nahin mila mujh ko
abhi to nam se pahle janab aata hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
