phir bhanwar mein hai safina is liye bechain hun
phir bhanwar mein hai safina is liye bechain hun
Rajeev Riyaz Pratapgarhi
MORE BYRajeev Riyaz Pratapgarhi
phir bhañvar meñ hai safīna is liye bechain huuñ
ho gayā zaa.e.a pasīna is liye bechain huuñ
phir ThiThurtī raat meñ fōtpath par hogā ġharīb
aa gayā phir vo mahīna is liye bechain huuñ
phir sunā hai sarhadoñ par baḌh ga.iiñ sar-garmiyāñ
phir se hogā chaak siina is liye bechain huuñ
siikh paayā hī nahīñ ab tak muāfī kā hunar
hai abhī siine meñ kiina is liye bechain huuñ
kañkaroñ ko jaḌ liyā logoñ ne sarke taaj meñ
Thokaroñ meñ hai nagīna is liye bechain huuñ
aa ga.e haiñ lauT kar sab chuum kar miTTī 'riyāz'
maiñ na jā paayā madīna is liye bechain huuñ
phir bhanwar mein hai safina is liye bechain hun
ho gaya zaea pasina is liye bechain hun
phir ThiThurti raat mein footpath par hoga gharib
aa gaya phir wo mahina is liye bechain hun
phir suna hai sarhadon par baDh gain sar-garmiyan
phir se hoga chaak sina is liye bechain hun
sikh paya hi nahin ab tak muafi ka hunar
hai abhi sine mein kina is liye bechain hun
kankaron ko jaD liya logon ne sarke taj mein
Thokaron mein hai nagina is liye bechain hun
aa gae hain lauT kar sab chum kar miTTi 'riyaz'
main na ja paya madina is liye bechain hun
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
