phir chahe to na aana o aan-ban wale

phir chāhe to na aanā o ān-bān vaale

jhūTā hī va.ada kar le sachchī zabān vaale

maujūd dil jigar haiñ de abrūoñ ko jumbish

dohra nishāna bhī hai dohrī kamān vaale

ye chupke chupke bāteñ nazreñ bachā bachā kar

rakhte haiñ aañkh ham bhī ham bhī haiñ kaan vaale

kahnā pate pate kī aur naam phir hañsī kā

chhuriyāñ na bhoñk dil meñ mīThī zabān vaale

vo 'ārzū' sar apnā Takrā rahā hai dar se

nīche to dekh jhuk kar ūñche makān vaale

phir chahe to na aana o aan-ban wale

jhuTa hi wada kar le sachchi zaban wale

maujud dil jigar hain de abruon ko jumbish

dohra nishana bhi hai dohri kaman wale

ye chupke chupke baaten nazren bacha bacha kar

rakhte hain aankh hum bhi hum bhi hain kan wale

kahna pate pate ki aur nam phir hansi ka

chhuriyan na bhonk dil mein miThi zaban wale

wo 'arzu' sar apna Takra raha hai dar se

niche to dekh jhuk kar unche makan wale