phir hamein dida-e-tar yaad aaya

phir hameñ dīda-e-tar yaad aaya

phir hameñ nūr-e-sahar yaad aaya

husn-e-ḳhat sar-ba-muhar yaad aaya

shaq huā jis ke ishāre se qamar

aaj vo rashk-e-qamar yaad aaya

soz-e-dil ban gayā parkāla-e-ishq

sho.ala-bar-dosh jigar yaad aaya

dekhne se tujhe ai sham-e-haram

shab-e-isrā kā safar yaad aaya

ashk ruḳhsār pe Dhalne se tire

ham ko tābinda-guhar yaad aaya

kyoñ zuleḳhā ke qarīñ yūsuf ko

shāhid-e-ġhaib kā dar yaad aaya

shāmil-e-fikr-e-suḳhan ho 'nasrīn'

nāma-bar koī agar yaad aaya

phir hamein dida-e-tar yaad aaya

phir hamein nur-e-sahar yaad aaya

husn-e-KHat sar-ba-muhar yaad aaya

shaq hua jis ke ishaare se qamar

aaj wo rashk-e-qamar yaad aaya

soz-e-dil ban gaya parkala-e-ishq

shoala-bar-dosh jigar yaad aaya

dekhne se tujhe ai sham-e-haram

shab-e-isra ka safar yaad aaya

ashk ruKHsar pe Dhalne se tere

hum ko tabinda-guhar yaad aaya

kyon zuleKHa ke qarin yusuf ko

shahid-e-ghaib ka dar yaad aaya

shamil-e-fikr-e-suKHan ho 'nasrin'

nama-bar koi agar yaad aaya