phir is duniya se ummid-e-wafa hai

phir is duniyā se ummīd-e-vafā hai

tujhe ai zindagī kyā ho gayā hai

baḌī zālim nihāyat bevafā hai

ye duniyā phir bhī kitnī ḳhushnumā hai

koī dekhe to bazm-e-zindagī meñ

ujāloñ ne añdherā kar diyā hai

ḳhudā se log bhī ḳhā.if kabhī the

magar logoñ se ab ḳhā.if ḳhudā hai

maze pūchho kuchh us se zindagī ke

havādis meñ jise jiinā paḌā hai

mire pahlū meñ dil hai to yaqīnan

azal hī se magar TuuTā huā hai

zabān-o-fan se maiñ vāqif nahīñ huuñ

magar vijdān merā rahnumā hai

mire naqqād merī shā.irī to

mire TuuTe hue dil kī sadā hai

kahāñ huuñ 'shād' maiñ to shaad sā huuñ

vo shād-e-ḳhush-navā to mar chukā hai

phir is duniya se ummid-e-wafa hai

tujhe ai zindagi kya ho gaya hai

baDi zalim nihayat bewafa hai

ye duniya phir bhi kitni KHushnuma hai

koi dekhe to bazm-e-zindagi mein

ujalon ne andhera kar diya hai

KHuda se log bhi KHaif kabhi the

magar logon se ab KHaif KHuda hai

maze puchho kuchh us se zindagi ke

hawadis mein jise jina paDa hai

mere pahlu mein dil hai to yaqinan

azal hi se magar TuTa hua hai

zaban-o-fan se main waqif nahin hun

magar wijdan mera rahnuma hai

mere naqqad meri shairi to

mere TuTe hue dil ki sada hai

kahan hun 'shad' main to shad sa hun

wo shad-e-KHush-nawa to mar chuka hai