phir is ke baad to sat aasman udas rahe

phir is ke baad to saat āsmāñ udaas rahe

vo chāhtā thā merā sā.ebāñ udaas rahe

kise paḌī hai ki kyā baat thī ki har koī

bahut hī ḳhush thā jahāñ ham vahāñ udaas rahe

to kyā huā jo bichhaḌne kā ġham nahīñ thā use

tum apnī socho na tum bhī kahāñ udaas rahe

koī hañse mire aage to ronā aatā hai

maiñ huuñ udaas to saarā jahāñ udaas rahe

maiñ jal rahā huuñ ye hañsne kī baat hai koī

use kaho ki ye merā dhuāñ udaas rahe

ye merā dil hai ki har rañg sokh letā hai

na aa.e koī bhī vo jo yahāñ udaas rahe

phir is ke baad to sat aasman udas rahe

wo chahta tha mera saeban udas rahe

kise paDi hai ki kya baat thi ki har koi

bahut hi KHush tha jahan hum wahan udas rahe

to kya hua jo bichhaDne ka gham nahin tha use

tum apni socho na tum bhi kahan udas rahe

koi hanse mere aage to rona aata hai

main hun udas to sara jahan udas rahe

main jal raha hun ye hansne ki baat hai koi

use kaho ki ye mera dhuan udas rahe

ye mera dil hai ki har rang sokh leta hai

na aae koi bhi wo jo yahan udas rahe