پھر جلا کوئی آشیاں صاحب
پھر جلا کوئی آشیاں صاحب
پھر فضا ہے دھواں دھواں صاحب
ہے ضمیر ایک آئنے کی طرح
دیکھیے اپنی خامیاں صاحب
آپ کا ساتھ کیا ہوا ہے نصیب
میرا رستہ ہے کہکشاں صاحب
صرف آنکھوں سے بات ہوتی ہے
عشق رکھتا نہیں زباں صاحب
جب برائی کو اس نے بویا ہے
کیسے کاٹے وہ نیکیاں صاحب
پیڑ اب چھاؤں دے نہیں سکتا
توڑ ڈالی ہیں ڈالیاں صاحب
کیا حقیقت ہے سامنے آئے
لیں قمرؔ کا بھی امتحاں صاحب
مأخذ :
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
