پھر کچھ نہ بنے گا جب میرے اشکوں میں لہو مل جائے گا

پھر کچھ نہ بنے گا جب میرے اشکوں میں لہو مل جائے گا

تم لاکھ ستم گر ہو لیکن دیکھو گے تو دل ہل جائے گا

گو فکر و نظر کی راہوں پر بٹھلا دئے پہرے دنیا نے

آزاد ہیں الفت کی راہیں دل آئے گا دل جائے گا

چلتے ہیں مگر اے راہنما اک شرط ہماری یاد رہے

ہم پہنچیں گے پہلے منزل پر پھر جادۂ منزل جائے گا

اے سود و زیاں کے متوالے ارباب وفا کے ساتھ نہ چل

یہ طوفاں طوفاں گزریں گے تو ساحل ساحل جائے گا

گر صبر نہ آیا تڑپوں گا فریاد کروں گا رو لوں گا

دل توڑنے والے یہ تو بتا آخر تجھے کیا مل جائے گا

دیوانہ شریک محفل ہے لیکن یہ عیاں ہے نظروں سے

بیگانۂ محفل آیا تھا بیگانۂ محفل جائے گا