phir kya tha jo parde mein tha ruswa to nahin tha

phir kyā thā jo parde meñ thā rusvā to nahīñ thā

thā rāz-e-mohabbat magar ifshā to nahīñ thā

tum jurm-e-vafā par jo ho āmāda-e-tāzīr

ye sirf mire dil kā taqāzā to nahīñ thā

kyā soch ke aa.ī thī use dekhne ḳhilqat

kuchh ma.arka-e-ishq tamāshā to nahīñ thā

kyuuñ aa ke mire ġham kā sahārā huī ummīd

imroz kā ġham thā ġham-e-fardā to nahīñ thā

phir kis liye ma.atūb zamāna thā 'munavār'

kahtā na ġhazal soch ke aisā to nahīñ thā

phir kya tha jo parde mein tha ruswa to nahin tha

tha raaz-e-mohabbat magar ifsha to nahin tha

tum jurm-e-wafa par jo ho aamada-e-tazir

ye sirf mere dil ka taqaza to nahin tha

kya soch ke aai thi use dekhne KHilqat

kuchh marka-e-ishq tamasha to nahin tha

kyun aa ke mere gham ka sahaara hui ummid

imroz ka gham tha gham-e-farda to nahin tha

phir kis liye matub zamana tha 'munawar'

kahta na ghazal soch ke aisa to nahin tha