phir lauT kar gae na kabhi dasht-o-dar se hum

phir lauT kar ga.e na kabhī dasht-o-dar se ham

nikle bas ek baar kuchh is tarah ghar se ham

kuchh duur tak chale hī ga.e be-ḳhabar se ham

ai be-ḳhudī-e-shauq ye guzre kidhar se ham

āzād be-niyāz the apnī ḳhabar se ham

palTe kuchh is tarah se deccan ke safar se ham

qalb-o-nazar kā daur bas itnā hī yaad hai

vo ik qadam udhar se baḌhe the idhar se ham

ai kaash ye sadā bhī kabhī kaan meñ paḌe

uTTho ki lauT aa.e haiñ apne safar se ham

dil kā chaman hai kaif-e-bahārāñ liye hue

guzre the ek baar tirī rah-guzar se ham

aatā hai ik sitāra nazar chāñd ke qarīb

jab dekhte haiñ ḳhud ko tumhārī nazar se ham

is se ziyāda daur-e-junūñ kī ḳhabar nahīñ

kuchh be-ḳhabar se aap the kuchh be-ḳhabar se ham

jitnī bhī rah ga.ī thī kamī dil ke dard meñ

utnā hī luT ga.e haiñ matā.a-e-nazar se ham

roz-e-azal se apnī jabīñ meñ taḌap rahī

vābasta yuuñ rahe haiñ tire sañg-e-dar se ham

phir lauT kar gae na kabhi dasht-o-dar se hum

nikle bas ek bar kuchh is tarah ghar se hum

kuchh dur tak chale hi gae be-KHabar se hum

ai be-KHudi-e-shauq ye guzre kidhar se hum

aazad be-niyaz the apni KHabar se hum

palTe kuchh is tarah se deccan ke safar se hum

qalb-o-nazar ka daur bas itna hi yaad hai

wo ek qadam udhar se baDhe the idhar se hum

ai kash ye sada bhi kabhi kan mein paDe

uTTho ki lauT aae hain apne safar se hum

dil ka chaman hai kaif-e-bahaaran liye hue

guzre the ek bar teri rah-guzar se hum

aata hai ek sitara nazar chand ke qarib

jab dekhte hain KHud ko tumhaari nazar se hum

is se ziyaada daur-e-junun ki KHabar nahin

kuchh be-KHabar se aap the kuchh be-KHabar se hum

jitni bhi rah gai thi kami dil ke dard mein

utna hi luT gae hain mataa-e-nazar se hum

roz-e-azal se apni jabin mein taDap rahi

wabasta yun rahe hain tere sang-e-dar se hum