phir mai-e-talKH se bhar saghar-o-mina-e-ghazal

phir mai-e-talḳh se bhar sāġhar-o-mīnā-e-ġhazal

ḳhālī-az-nashsha hai ik 'umr se sahbā-e-ġhazal

bāda-e-nau meñ kahāñ mastī-e-sahbā-e-kuhan

jalva-e-nau meñ kahāñ shoḳhī-e-salmā-e-ġhazal

jis ke har ghūñT meñ mastī hai hayāt-e-nau kī

merī mīnā-e-suḳhan meñ hai vo sahbā-e-ġhazal

naaz kartā hai bajā jis pe gulistān-e-adab

maiñ tirī nazr ko laayā huuñ vo gulhā-e-ġhazal

aur nikhreñge abhī ‘ilm-o-adab ke jalve

aur bikhreñge abhī gesūe-lailā-e-ġhazal

jis kī shoḳhī ne liyā bāda-e-shīrāz se baaj

phir vahī jaam 'atā kar ba-taqāzā-e-ġhazal

'hāfiz' o 'ġhālib' o 'iqbāl' ke afkār-e-jamīl

māya-e-she'r-o-suḳhan ġhāza-e-zebā-e-ġhazal

phir mai-e-talKH se bhar saghar-o-mina-e-ghazal

KHali-az-nashsha hai ek 'umr se sahba-e-ghazal

baada-e-nau mein kahan masti-e-sahba-e-kuhan

jalwa-e-nau mein kahan shoKHi-e-salma-e-ghazal

jis ke har ghunT mein masti hai hayat-e-nau ki

meri mina-e-suKHan mein hai wo sahba-e-ghazal

naz karta hai baja jis pe gulistan-e-adab

main teri nazr ko laya hun wo gulha-e-ghazal

aur nikhrenge abhi ‘ilm-o-adab ke jalwe

aur bikhrenge abhi gesue-laila-e-ghazal

jis ki shoKHi ne liya baada-e-shiraaz se baj

phir wahi jam 'ata kar ba-taqaza-e-ghazal

'hafiz' o 'ghaalib' o 'iqbaal' ke afkar-e-jamil

maya-e-she'r-o-suKHan ghaza-e-zeba-e-ghazal