phir mujhe kaun-o-makan dasht-o-bayaban se lage

phir mujhe kaun-o-makāñ dasht-o-bayābāñ se lage

rū-ba-rū kaun thā jo aa.ine hairāñ se lage

kuchh thī kam-hauslagī apnī thī kuchh be-basarī

kuchh hameñ ishq ke hangāme bhī āsāñ se lage

zindagī mere izāfe mujhe vāpas kar de

jhaaḌ de ḳhaar jo nāhaq tire dāmāñ se lage

vaqt kaTtā rahā thā ahd-e-huzūrī ki firāq

zaḳhm lagte rahe chāhe kisī unvāñ se lage

ziist ham haar ke bhī haath milā.eñ tujh se

apne ye hausle shāyad tujhe be-jāñ se lage

phir mujhe kaun-o-makan dasht-o-bayaban se lage

ru-ba-ru kaun tha jo aaine hairan se lage

kuchh thi kam-hauslagi apni thi kuchh be-basari

kuchh hamein ishq ke hangame bhi aasan se lage

zindagi mere izafe mujhe wapas kar de

jhaD de KHar jo nahaq tere daman se lage

waqt kaTta raha tha ahd-e-huzuri ki firaq

zaKHm lagte rahe chahe kisi unwan se lage

zist hum haar ke bhi hath milaen tujh se

apne ye hausle shayad tujhe be-jaan se lage