phir na koi KHushi nazar aai

phir na koī ḳhushī nazar aa.ī

hañsne ko the ki aañkh bhar aa.ī

hijr kī zindagī ma.āz-allāh

shaam ke bhes meñ sahar aa.ī

jis ko sau baar bhūlnā chāhā

us kī yaad aa.ī umr-bhar aa.ī

hāl-e-dil ab kisī se kyā kahiye

baat kī aur aañkh bhar aa.ī

ham ne jis samt bhī qadam rakkhā

sāmne un kī rahguzar aa.ī

yaad aate hī un kī pahlī nazar

dil kī har choT phir ubhar aa.ī

ḳhanda-e-gul ko dekh kar 'shāriq'

hañsnā chāhā thā aañkh bhar aa.ī

phir na koi KHushi nazar aai

hansne ko the ki aankh bhar aai

hijr ki zindagi maaz-allah

sham ke bhes mein sahar aai

jis ko sau bar bhulna chaha

us ki yaad aai umr-bhar aai

haal-e-dil ab kisi se kya kahiye

baat ki aur aankh bhar aai

hum ne jis samt bhi qadam rakkha

samne un ki rahguzar aai

yaad aate hi un ki pahli nazar

dil ki har choT phir ubhar aai

KHanda-e-gul ko dekh kar 'shaariq'

hansna chaha tha aankh bhar aai