phir sar-e-dar-e-wafa rasm ye Dali jae

phir sar-e-dār-e-vafā rasm ye Daalī jaa.e

gul ho ik sham.a to ik aur jalā lī jaa.e

duur karnī ho jo tārīkī-e-rāh-e-iḳhlās

mash.al-ashk-e-nadāmat hī jalā lī jaa.e

aa.ina maiñ ne sar-e-rāhguzar rakhā hai

taaki ahbāb kī kuchh ḳhām-ḳhayālī jaa.e

haal ye tark-e-ta.alluq pe huā kartā hai

jaise machhlī koī paanī se nikālī jaa.e

tū ise apnī tamannāoñ meñ shāmil kar le

ham se to terī tamannā na sambhālī jaa.e

aap ke uThne pe mahfil kā ye aalam paayā

jaise hañste hue chehroñ se bahālī jaa.e

ḳhastagī dekhī hai 'jāved' fasīl-e-dil kī

is pe buniyād shab-e-ġham kī na Daalī jaa.e

phir sar-e-dar-e-wafa rasm ye Dali jae

gul ho ek shama to ek aur jala li jae

dur karni ho jo tariki-e-rah-e-iKHlas

mashal-ashk-e-nadamat hi jala li jae

aaina main ne sar-e-rahguzar rakha hai

taki ahbab ki kuchh KHam-KHayali jae

haal ye tark-e-talluq pe hua karta hai

jaise machhli koi pani se nikali jae

tu ise apni tamannaon mein shamil kar le

hum se to teri tamanna na sambhaali jae

aap ke uThne pe mahfil ka ye aalam paya

jaise hanste hue chehron se bahaali jae

KHastagi dekhi hai 'jawed' fasil-e-dil ki

is pe buniyaad shab-e-gham ki na Dali jae