پھر سے کہنا کیا سمجھے ہو
پھر سے کہنا کیا سمجھے ہو
تم مجھ کو ایسا سمجھے ہو
تم سے پہلے بھی یاں تم تھے
تم خود کو پہلا سمجھے ہو
تم تو ازل سے ساتھ ہو میرے
کیوں خود کو تنہا سمجھے ہو
یہ کوئی اچھی بات نہیں ہے
تم جس کو اچھا سمجھے ہو
خواب میں کیوں آتے ہو میرے
کیا مجھ کو اندھا سمجھے ہو
در پر پہرے دار بٹھا کر
دروازے کو وا سمجھے ہو
یعنی میں جتنا سمجھا تھا
تم بھی بس اتنا سمجھے ہو
میری جان یہی لمحہ ہے
تم جس کو لمحہ سمجھے ہو
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
