phir se tajdid-e-arzu kar len

phir se tajdīd-e-ārzū kar leñ

aa.iye kuchh to guftugū kar leñ

zindagī ke hasīñ dorāhe par

kuchh tamannā-e-rang-o-bū kar leñ

dostoñ se nibāh gar chāheñ

dushmanoñ ko bhī ham subū kar leñ

jism-o-jāñ ruuh ko sañvār to deñ

āñsuoñ se agar vuzū kar leñ

log fard-e-vafā jafā dekheñ

aa.ina dil kā rū-ba-rū kar leñ

aib-jū nukta-chīñ adū hāsid

apnā dāman to ḳhud rafū kar leñ

phir vafā ho na morid-e-ilzām

zulm sahne kī ham bhī ḳhū kar leñ

ḳhud-numā.ī fareb hai 'sādiq'

ḳhud-shanāsī kī justujū kar leñ

phir se tajdid-e-arzu kar len

aaiye kuchh to guftugu kar len

zindagi ke hasin dorahe par

kuchh tamanna-e-rang-o-bu kar len

doston se nibah gar chahen

dushmanon ko bhi hum subu kar len

jism-o-jaan ruh ko sanwar to den

aansuon se agar wuzu kar len

log fard-e-wafa jafa dekhen

aaina dil ka ru-ba-ru kar len

aib-ju nukta-chin adu hasid

apna daman to KHud rafu kar len

phir wafa ho na morid-e-ilzam

zulm sahne ki hum bhi KHu kar len

KHud-numai fareb hai 'sadiq'

KHud-shanasi ki justuju kar len