phir tera shahr teri rahguzar ho ki na ho

phir tirā shahr tirī rāhguzar ho ki na ho

aur ho bhī to mujhe shauq-e-safar ho ki na ho

ho na ho phir se rag-o-pai meñ sharāroñ kā gumāñ

phir kabhī dosh pe mere tirā sar ho ki na ho

maañg luuñ tere havāle se to shāyad mil jaa.e

kyā ḳhabar sirf duāoñ meñ asar ho ki na ho

nā-umīdī ke ye shab-zād Darāte haiñ mujhe

tere aane se munavvar mirā ghar ho ki na ho

mujh se bhūlā na gayā un ke laboñ kā vo khiñchāv

yaad un ko bhī mirā dīda-e-tar ho ki na ho

ab bhī aa jaao koī der khulī haiñ āñkheñ

kyā ḳhabar phir kabhī dīvār meñ dar ho ki na ho

maañ ke āñchal ke tale baiTh lo kuchh der ai 'tāj'

kyā ḳhabar aage ye saaya ye shajar ho ki na ho

phir tera shahr teri rahguzar ho ki na ho

aur ho bhi to mujhe shauq-e-safar ho ki na ho

ho na ho phir se rag-o-pai mein shararon ka guman

phir kabhi dosh pe mere tera sar ho ki na ho

mang lun tere hawale se to shayad mil jae

kya KHabar sirf duaon mein asar ho ki na ho

na-umidi ke ye shab-zad Daraate hain mujhe

tere aane se munawwar mera ghar ho ki na ho

mujh se bhula na gaya un ke labon ka wo khinchaw

yaad un ko bhi mera dida-e-tar ho ki na ho

ab bhi aa jao koi der khuli hain aankhen

kya KHabar phir kabhi diwar mein dar ho ki na ho

man ke aanchal ke tale baiTh lo kuchh der ai 'taj'

kya KHabar aage ye saya ye shajar ho ki na ho