پھر ترے اوچھے خیالات نے دل توڑ دیا
پھر ترے اوچھے خیالات نے دل توڑ دیا
طنز میں ڈوبے خطابات نے دل توڑ دیا
لب کشائی کی ضرورت تھی تو خاموش رہے
بے سبب رمز و اشارات نے دل توڑ دیا
میں تو اب لفظ محبت سے لرز اٹھتا ہوں
تیری اس درجہ عنایات نے دل توڑ دیا
میں سمجھتا تھا ترے دل میں مکیں ہوں لیکن
تیرے انداز مدارات نے دل توڑ دیا
تیری غزلوں میں نئے دور کے اسلوب نہیں
تیرے فرسودہ خیالات نے دل توڑ دیا
مستقل کون ترا ساتھ نبھائے گا یہاں
ایک دو پل کے ترے ساتھ نے دل توڑ دیا
آپ کی ذات سے تھی مجھ کو تسلی کی امید
آپ کے اشکوں کی برسات نے دل توڑ دیا
وہ مرا دوست بھی ہو سکتا ہے جانی دشمن
کیا بتاؤں مرے خدشات نے دل توڑ دیا
جن سے ہو جاتی ہے ایمان سے دوری اجملؔ
ایسے افکار و نظریات نے دل توڑ دیا
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.