پھر ترے قول و قسم یاد آئے
پھر ترے قول و قسم یاد آئے
تری چاہت کے ستم یاد آئے
کس قدر چوٹ لگی ہے دل پر
جب بھی مر مر کے صنم یاد آئے
یاد جب آیا ترا نام مجھے
کتنے بے نام سے غم یاد آئے
جانے وہ کیسا سفر تھا میرا
جس کا اک ایک قدم یاد آئے
پھر مرا ذہن ہے الجھا الجھا
پھر تری زلف کے خم یاد آئے
اور بھی یاد کی لو تیز ہوئی
جب بھی چاہا کہ وہ کم یاد آئے
کون بیتابؔ پکارے ہم کو
کس کو تنہائی میں ہم یاد آئے
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
