phir umr-bhar ki nala-sarai ka waqt hai

phir umr-bhar kī nāla-sarā.ī kā vaqt hai

ai dil phir ek baar judā.ī kā vaqt hai

kaam aa na pā.eñge mujhe ye nīm-bāz ab

ai chashm-e-tar ye dīda-darā.ī kā vaqt hai

siine meñ yaañ koī dil-e-be-mudda.ā nahīñ

haañ chup huuñ is liye ki bhalā.ī kā vaqt hai

majbūr taur huuñ so maiñ shīrīñ navā rahūñ

go jāntā huuñ talḳh-navā.ī kā vaqt hai

mujh ko mire ruḳh-e-araq-ālūd kī qasam

uTThūñ jo vo kahe ki laḌā.ī kā vaqt hai

ab ke huī hai phir se qafas-zādoñ ko umiid

ḳhush ho ke kah rahe haiñ rihā.ī kā vaqt hai

murġh-e-sahar hai murġh-e-musalla.a hai aur sub.h

tīnoñ ke beach zor-numā.ī kā vaqt hai

'tamjīd' fikr kar maraz-e-jāñ-gudāz kī

bedār ho ki rāh-numā.ī kā vaqt hai

phir umr-bhar ki nala-sarai ka waqt hai

ai dil phir ek bar judai ka waqt hai

kaam aa na paenge mujhe ye nim-baz ab

ai chashm-e-tar ye dida-darai ka waqt hai

sine mein yan koi dil-e-be-muddaa nahin

han chup hun is liye ki bhalai ka waqt hai

majbur taur hun so main shirin nawa rahun

go jaanta hun talKH-nawai ka waqt hai

mujh ko mere ruKH-e-araq-alud ki qasam

uTThun jo wo kahe ki laDai ka waqt hai

ab ke hui hai phir se qafas-zadon ko umid

KHush ho ke kah rahe hain rihai ka waqt hai

murgh-e-sahar hai murgh-e-musalla hai aur subh

tinon ke beach zor-numai ka waqt hai

'tamjid' fikr kar maraz-e-jaan-gudaz ki

bedar ho ki rah-numai ka waqt hai