phir unki nigahon ke payam aae hue hain

phir un kī nigāhoñ ke payām aa.e hue haiñ

phir qalb-o-nazar baḳht pe itrā.e hue haiñ

paimāna ba-kaf baiTh ke maiḳhāne meñ saaqī

ham gardish-e-hālāt ko Thahrā.e hue haiñ

māhaul munavvar hai mo.attar haiñ fazā.eñ

mahsūs ye hotā hai ki vo aa.e hue haiñ

gesū haiñ ki barsāt kī ghanghor ghaTā.eñ

aariz haiñ ki gul duudh meñ nahlā.e hue haiñ

kyā baḳhsheñge vo anjuman-e-nāz ko zīnat

jo phuul sar-e-shāḳh hī murjhā.e hue haiñ

ho chashm-e-karam un pe bhī ai pīr-e-ḳharābāt

jo ābla-pā dar pe tire aa.e hue haiñ

hai dasht-navardī hī 'nadīm' un kā muqaddar

jo bārgah-e-husn se Thukrā.e hue haiñ

phir un ki nigahon ke payam aae hue hain

phir qalb-o-nazar baKHt pe itrae hue hain

paimana ba-kaf baiTh ke maiKHane mein saqi

hum gardish-e-haalat ko Thahrae hue hain

mahaul munawwar hai moattar hain fazaen

mahsus ye hota hai ki wo aae hue hain

gesu hain ki barsat ki ghanghor ghaTaen

aariz hain ki gul dudh mein nahlae hue hain

kya baKHshenge wo anjuman-e-naz ko zinat

jo phul sar-e-shaKH hi murjhae hue hain

ho chashm-e-karam un pe bhi ai pir-e-KHarabaat

jo aabla-pa dar pe tere aae hue hain

hai dasht-nawardi hi 'nadim' un ka muqaddar

jo bargah-e-husn se Thukrae hue hain