phir un ko arz-e-gham pe hansi aa rahi hai aaj

phir un ko arz-e-ġham pe hañsī aa rahī hai aaj

duniyā mire sukūñ kī luTī jā rahī hai aaj

zabt-e-havas kī ḳhair ho kyoñ tab.a-e-nā-murād

phir vaz-e-ehtiyāt se ghabrā rahī hai aaj

banda-navāziyoñ kī ḳhalish tab.a-e-nāz ko

phir ḳhidmat-e-niyāz pe uksā rahī hai aaj

allah re ro.ab-e-husn ki bazm-e-nashāt meñ

har shai lab-e-ḳhamosh banī jā rahī hai aaj

us paikar-e-shabāb ki naḳhvat-bharī nazar

har da.avā-e-sabāt ko Thukrā rahī hai aaj

'sāhir' na jaane kyā ho ab anjām-e-zabt-e-shauq

phir yaad un kī dard ko taḌpā rahī hai aaj

phir un ko arz-e-gham pe hansi aa rahi hai aaj

duniya mere sukun ki luTi ja rahi hai aaj

zabt-e-hawas ki KHair ho kyon taba-e-na-murad

phir waz-e-ehtiyat se ghabra rahi hai aaj

banda-nawaziyon ki KHalish taba-e-naz ko

phir KHidmat-e-niyaz pe uksa rahi hai aaj

allah re roab-e-husn ki bazm-e-nashat mein

har shai lab-e-KHamosh bani ja rahi hai aaj

us paikar-e-shabab ki naKHwat-bhari nazar

har dawa-e-sabaat ko Thukra rahi hai aaj

'sahir' na jaane kya ho ab anjam-e-zabt-e-shauq

phir yaad un ki dard ko taDpa rahi hai aaj