phir usi shoKH ki taswir utar aai hai

phir usī shoḳh kī tasvīr utar aa.ī hai

mire ash.ār meñ muzmar mirī rusvā.ī hai

dekhne detā nahīñ duur talak dil kā ġhubār

jis se miliye vo ḳhud apnā hī tamāshā.ī hai

shahr meñ niklo to hañgāma ki har zaat ho gum

zaat meñ utro to ik ālam-e-tanhā.ī hai

zaḳhm har sañg hai us dast-e-hinā kā ham-rañg

ḳhuub us shoḳh kā andāz-e-pazīrā.ī hai

dil ne jab bhī koī saada sī tamannā kī hai

zindagī ek nayā zaḳhm lagā laa.ī hai

chaak dil laakh sahī chaak garebāñ bhī karo

iltifāt us kā ba-andāza-e-rusvā.ī hai

phir usi shoKH ki taswir utar aai hai

mere ashaar mein muzmar meri ruswai hai

dekhne deta nahin dur talak dil ka ghubar

jis se miliye wo KHud apna hi tamashai hai

shahr mein niklo to hangama ki har zat ho gum

zat mein utro to ek aalam-e-tanhai hai

zaKHm har sang hai us dast-e-hina ka ham-rang

KHub us shoKH ka andaz-e-pazirai hai

dil ne jab bhi koi sada si tamanna ki hai

zindagi ek naya zaKHm laga lai hai

chaak dil lakh sahi chaak gareban bhi karo

iltifat us ka ba-andaza-e-ruswai hai