phir uThaya jaunga miTTi mein mil jaane ke baad
phir uThāyā jā.ūñgā miTTī meñ mil jaane ke ba.ad
garche huuñ sahmā huā buniyād hil jaane ke ba.ad
aap ab ham se hamārī ḳhairiyat mat pūchhiye
aadmī ḳhud kā kahāñ rahtā hai dil jaane ke ba.ad
saḳht-jānī kī badaulat ab bhī ham haiñ tāza-dam
ḳhushk ho jaate haiñ varna peḌ hil jaane ke ba.ad
ḳhauf aatā hai bulandī kī taraf chaḌhte hue
gul kā murjhānā hī rah jaatā hai khil jaane ke ba.ad
fikr lāhaq hai hamesha misl-e-tuḳhm-e-nā-tavāñ
hashr kyā hogā darūn-e-āb-o-gil jaane ke ba.ad
is tarah hairān haiñ sab dekh kar 'rāġhib' mujhe
jaise koī aa gayā ho mustaqil jaane ke ba.ad
phir uThaya jaunga miTTi mein mil jaane ke baad
garche hun sahma hua buniyaad hil jaane ke baad
aap ab hum se hamari KHairiyat mat puchhiye
aadmi KHud ka kahan rahta hai dil jaane ke baad
saKHt-jaani ki badaulat ab bhi hum hain taza-dam
KHushk ho jate hain warna peD hil jaane ke baad
KHauf aata hai bulandi ki taraf chaDhte hue
gul ka murjhana hi rah jata hai khil jaane ke baad
fikr lahaq hai hamesha misl-e-tuKHm-e-na-tawan
hashr kya hoga darun-e-ab-o-gil jaane ke baad
is tarah hairan hain sab dekh kar 'raghib' mujhe
jaise koi aa gaya ho mustaqil jaane ke baad
- Book : gazal darakht (Pg. 114)
- Author : Iftikhar Raghib
- Publication : arshia publications (2014)
- Edition : 2014
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
