phir wahi baam-o-dar ki taswiren

phir vahī bām-o-dar kī tasvīreñ

ghar ke bāhar bhī ghar kī tasvīreñ

ye hamārā kamāl hai varna

kaun khīñche hai Dar kī tasvīreñ

kyā koī jang hone vaalī hai

ḳhvāb meñ thiiñ sipar kī tasvīreñ

baiThe baiThe banā rahā huuñ maiñ

uḌtī uḌtī ḳhabar kī tasvīreñ

ḳhushk āñkhoñ se maiñ ne khīñchī haiñ

ek sūkhe shajar kī tasvīreñ

ik nayā zāviya talāsh meñ hai

dekh leñ har nazar kī tasvīreñ

dil ke hujre meñ Taañg rakkhī hai

'mīr' 'ġhālib' 'jigar' kī tasvīreñ

aap gar khīñch leñ to maiñ mānūñ

is taraf se udhar kī tasvīreñ

phir wahi baam-o-dar ki taswiren

ghar ke bahar bhi ghar ki taswiren

ye hamara kamal hai warna

kaun khinche hai Dar ki taswiren

kya koi jang hone wali hai

KHwab mein thin sipar ki taswiren

baiThe baiThe bana raha hun main

uDti uDti KHabar ki taswiren

KHushk aankhon se main ne khinchi hain

ek sukhe shajar ki taswiren

ek naya zawiya talash mein hai

dekh len har nazar ki taswiren

dil ke hujre mein Tang rakkhi hai

'mir' 'ghaalib' 'jigar' ki taswiren

aap gar khinch len to main manun

is taraf se udhar ki taswiren