phir wo nazar hai izn-e-tamasha liye hue

phir vo nazar hai izn-e-tamāshā liye hue

tajdīd-e-ārzū kā taqāzā liye hue

chashm-e-siyah meñ mastiyāñ shām-e-visāl kī

aariz faroġh-e-sub.h-e-nazārā liye hue

har ek shaḳhs tark-e-tamannā kā mudda.ī

har ek shaḳhs terī tamannā liye hue

kal shab tulū-e-māh kā manzar ajiib thā

tum jaise aa ga.e ruḳh-e-zebā liye hue

dil aaj tak hai lutf-e-farāvāñ se sharmsār

lab aaj tak haiñ aap kā shikva liye hue

phir wo nazar hai izn-e-tamasha liye hue

tajdid-e-arzu ka taqaza liye hue

chashm-e-siyah mein mastiyan sham-e-visal ki

aariz farogh-e-subh-e-nazara liye hue

har ek shaKHs tark-e-tamanna ka muddai

har ek shaKHs teri tamanna liye hue

kal shab tulu-e-mah ka manzar ajib tha

tum jaise aa gae ruKH-e-zeba liye hue

dil aaj tak hai lutf-e-farawan se sharmsar

lab aaj tak hain aap ka shikwa liye hue