phir ye kaisa udheD-bun sa laga

phir ye kaisā udheḌ-bun sā lagā

jān-e-ġham-dīda ko jo ghan sā lagā

us galī meñ jo maiñ uThā gaahe

pā-e-ḳhvābīda mujh ko sun sā lagā

us ne jis vaqt aur sar kheñchā

naḳhl-e-qad us kā sarv-bun sā lagā

us ke chhalle ke haiñ jo gul khaa.e

daaġh har ik badan pe hun sā lagā

āḳhir-e-umr apnī nazroñ meñ

jāma-e-zindagī kuhan sā lagā

kashtī-e-chashm-e-tar khiñchī hai udhar

hai jidhar tār-e-ashk gun sā lagā

yār-e-dharmātmā kā pyaar ke saath

bosa denā bhī mujh ko pun sā lagā

jab dil-e-soḳhta pe zaḳhm-e-mizha

nazar aayā vo saaf pun sā lagā

maiñ sunā 'mus.hafī' ko piirī meñ

mujh ko ḳhele vo ḳhush-suḳhan sā lagā

phir ye kaisa udheD-bun sa laga

jaan-e-gham-dida ko jo ghan sa laga

us gali mein jo main uTha gahe

pa-e-KHwabida mujh ko sun sa laga

us ne jis waqt aur sar khencha

naKHl-e-qad us ka sarw-bun sa laga

us ke chhalle ke hain jo gul khae

dagh har ek badan pe hun sa laga

aaKHir-e-umr apni nazron mein

jama-e-zindagi kuhan sa laga

kashti-e-chashm-e-tar khinchi hai udhar

hai jidhar tar-e-ashk gun sa laga

yar-e-dharmatma ka pyar ke sath

bosa dena bhi mujh ko pun sa laga

jab dil-e-soKHta pe zaKHm-e-mizha

nazar aaya wo saf pun sa laga

main suna 'mushafi' ko piri mein

mujh ko KHele wo KHush-suKHan sa laga