پھر یہ کیسا ادھیڑ بن سا لگا
پھر یہ کیسا ادھیڑ بن سا لگا
جان غم دیدہ کو جو گھن سا لگا
اس گلی میں جو میں اٹھا گاہے
پاۓ خوابیدہ مجھ کو سن سا لگا
اس نے جس وقت اور سر کھینچا
نخل قد اس کا سرو بن سا لگا
اس کے چھلے کے ہیں جو گل کھائے
داغ ہر اک بدن پہ ہن سا لگا
آخر عمر اپنی نظروں میں
جامۂ زندگی کہن سا لگا
کشتیٔ چشم تر کھنچی ہے ادھر
ہے جدھر تار اشک گن سا لگا
یار دھرماتما کا پیار کے ساتھ
بوسہ دینا بھی مجھ کو پن سا لگا
جب دل سوختہ پہ زخم مژہ
نظر آیا وہ صاف پن سا لگا
میں سنا مصحفیؔ کو پیری میں
مجھ کو خیلے وہ خوش سخن سا لگا
- کتاب : kulliyat-e-mas.hafii(hashtum) (Pg. 11)
- Author : ghulaam hamdaanii mashafii
- مطبع : qaumi council baraye -farogh urdu (2004)
- اشاعت : 2004
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
