phirti hai zindagi janaza-ba-dosh

phirtī hai zindagī janāza-ba-dosh

but bhī chup haiñ ḳhudā bhī hai ḳhāmosh

koī merī tarah jiye to sahī

zindagī dar-gulū ajal bar-dosh

dīdanī thī ye kā.enāt bahut

ham bhī kuchh din rahe ḳharāb-e-hosh

ghar se tauf-e-haram ko niklā thā

raah meñ thī dukān-e-bāda-farosh

ik ta.alluq qadam ko raah se hai

maiñ na āvāra huuñ na ḳhāna-ba-dosh

ham se ġhāfil nahīñ haiñ ahl-e-sitam

ik zarā thak ke ho ga.e haiñ ḳhamosh

jī meñ hai koī aarzū kiije

ya.anī baaqī hai sar meñ mastī hosh

hai ye duniyā bahut vasī.a to ho

maiñ huuñ aur terā halqa-e-āġhosh

dil ko rote kahāñ talak 'aḳhtar'

āḳhir-kār ho ga.e ḳhāmosh

phirti hai zindagi janaza-ba-dosh

but bhi chup hain KHuda bhi hai KHamosh

koi meri tarah jiye to sahi

zindagi dar-gulu ajal bar-dosh

didani thi ye kaenat bahut

hum bhi kuchh din rahe KHarab-e-hosh

ghar se tauf-e-haram ko nikla tha

rah mein thi dukan-e-baada-farosh

ek talluq qadam ko rah se hai

main na aawara hun na KHana-ba-dosh

hum se ghafil nahin hain ahl-e-sitam

ek zara thak ke ho gae hain KHamosh

ji mein hai koi aarzu kije

yani baqi hai sar mein masti hosh

hai ye duniya bahut wasia to ho

main hun aur tera halqa-e-aghosh

dil ko rote kahan talak 'aKHtar'

aaKHir-kar ho gae KHamosh